सिएफसी फुटबल : पहिलो चरणको खेलहरु सकियो
कतारमा जारी सिएफसी नकआउट फुटबल प्रतियोगिताको पहिलो चरणको खेलहरु सकिएको छ ।
शुक्रबार मिसाइद स्पोर्ट्स कम्प्लेक्समा भएको अन्तिम खेलहरुमा पेट्रो एफसी,एबिएफसी,बर्वा एफसी र नाइनस्टार क्लब विजयी भएका छन् ।
सो दिनको खेलहरु अखिल नेपाल फुटबल संघका अध्यक्ष पंकज बिक्रम नेम्वाङ्गको प्रमुख आतित्थ्यमा सम्पन्न भयको थियो ।
पहिलो खेलमा पेट्रो एफसीले गोर्खाली एफसीलाई शुन्यका विरुद्ध पाँच गोल गर्दै क्वाटर फाईनलमा प्रवेश गर्न सफल भएको छ । पेट्रोको जितका लागि रोशन खड्काबाट २ गोल र रोमन बाट ह्याटि्रक पूरा भएको थियो । रोशन मेचे खेलको म्यान अफ द म्याच घोषित भए।
दोस्रो खेलमा एबिएफसीले गल्फ एसियालाई शुन्यका विरुद्ध तीन गोलले पाखा लगाउदै अर्को चरणमा पुग्को छ । एबिएफसीको जितमा सन्दीप घिमिरेले दुई र सुमन राईले एक गोल गरेका थिए । उक्त खेलमा घिमिरे म्यान अफ द म्याच बनेका थिए ।
तेस्रो खेलमा बर्वाले सुनसरीलाई शुन्यका विरुद्ध दुई गोलले हराएको थियो ।दिपेश मगरबाट र शिबलाल बाट पहिलो हाल्फमा गोल भएको थियो। शिवलाल सो खेलको उत्कृष्ट साबित भए ।
पहिलो चरणकै अन्तिम खेलमा नाइन स्टारले युनिपार्टलाई १ का विरुद्ध ४ गोलको जित निकालेको थियो। खेलमा करण बाट ह्याटि्रक पूरा भएको थियो । अर्को गोल नामसन लिम्बुले गरे। खेलको म्यानअफ द म्याच करण भए।
प्रतियोगिताको सम्पूर्ण क्वाटरफाईनलका खेलहरु अब आउने शुक्रबार बेलुका ४ बजे मिसाइद ग्राउन्डमा हुनेछ ।
