राहदानी लिन आउन दूतावासको आग्रह

कतारस्थित नेपाली राजदूतावासमा २५ अगस्ट सम्म आवेदन फारम बुझाएका मध्ये १,५३४ जनाको ई पासपोर्ट तयार भई आएको दूतावासले जानकारी दिएको छ ।

पुरानो राहदानी र राजश्व तिरेको सक्कली नगद रसिद साथमा लिएर स्वयंम दूतावासमा उपस्थित भई आफ्नो राहदानी बुझिलिन सम्बन्धित सबैलाई दूतावासले आज एक सूचना प्रकाशित गर्दै जानकारी गराएको छ । राहदानी सार्वजनिक विदाका दिन बाहेक हरेक दिन ९ बजे देखि दिउँसो ३ बजे सम्म वितरण हुनेछ।

राहदानी लिन आउँदा आफ्नो काेड नम्बर रसिदमा लेखेर आउन दूतावासले आग्रह गरेको छ ।

राहदानी तयार भएको व्यक्तिहरुको नामावली हेर्न यहाँ  थिच्नुहोस । सर्च बक्समा आफ्नो नाम हालेर राहदानी आएको नआएको पत्ता लगाउन सकिन्छ ।

नेपालको संविधान दिवसको अवसरमा दूतावास आउने सोमबार, सेप्टेम्बर १९ तारिक बन्द रहनेछ ।