आमासहित दुई नाबालक छोरा एकै ठाउँमा मृत फेला

नुवाकोट, मंसिर २३-

नुवाकोटमा आमासहित दुई नाबालक छोरा एकै ठाउँमा मृत फेला परेका छन् । नुवाकोटको किस्पाङ गाउँपालिका वडा नं। १ भाल्चे गाउँको नुचेतमा डोरीमा पासो लगाई झुण्डिएको अवस्थामा आमासहित दुई नाबालक छोरा मृत फेला परेका हुन् ।

आज बिहान ९ बजे २३ वर्षिय चन्दीमाया तामाङ र उनका नाबालक छोराहरू ५ वर्षका रोशन र ३ वर्षका रोमन आफ्नै घरभित्र झुण्डिएको अवस्थामा परेका हुन्। उक्त घटनाको थप अनुसन्धानका लागि तत्कालै जिल्ला प्रहरी प्रमुख एसपी शान्तिराज कोइरालाको नेतृत्वमा डिएसपी तिलक भारतीसहितको प्रहरी टोली घटनास्थल पुगेको छ । डिएसपी भारतीका अनुसार घटना शंकास्पद, कारुणिक र गम्भीर प्रकृतिको भएकोले यसको कारणबारे विस्तृत अनुसन्धान भइरहेको छ ।

यस समाचारको श्रोत : www.narayanionline.com हो ।