विश्वकप फुटबल २०१८ खेल तालिका (कतारी समयमा)

यही जुन १४ तारिक बिहीवार फुटबलको महाकुम्भ यानी विश्व कप फुटबल सुरु हुँदैछ । २१औं संस्करणको विश्कप फुटबल रसियाका ११ शहर मा धन्नै एक महिना चल्ने छ र ३८ मिलियन अमेरिकी डलर पुरस्कार राशी रहेको यो खेलमा ३२ राष्ट्र सामेल हुदैछन् ।  

एसियाबाट जापान, साउदी अरेबिया, दक्षिण कोरिया, इरान र अस्ट्रेलिया गरी ५ देश । युरोपबाट आयोजक रूस, पोर्चुगल, जर्मनी, बेल्जियम, बेलायत, स्पेन, पोल्याण्ड, आइसल्याण्ड, सर्बिया, फ्रान्स, स्वीजरल्याण्ड, क्रोएसिया, स्वीडेन र डेनमार्क गरि १४ देश । उत्तर अमेरिकाबाट कोस्टारिका, मेक्सिको र पानामा  । दक्षिण अमेरिकाबाट ब्राजिल, अर्जेन्टिना, उरुग्वे, कोलम्बिया र पेरु र यस्तै अफ्रिकाबाट इजिप्ट, नाइजेरिया, सेनेगल, ट्युनिसिया र मोरक्को गरी ५ देश सहभागी हुँदैछन् ।

आयोजक रुस विश्वकपमा डेब्यू गर्दैछ भने आइसल्याण्ड र पानामाले पहिलो पटक विश्व कप खेल्नेछन् । 

विश्वकप सुरु हुन केही दिन बाँकी रहेको बेला सार्वजनिक भएको फिफा वरीयतामा जर्मनी पहिलो नम्बरमा यथावत छ । ब्राजिल दोस्रो, बेल्जियम तेस्रो, पोर्चुगल चौथो स्थानमा छ भने अर्जेन्टिना पाँचौंमा । 

फिफा विश्व कप रसिया २०१८ का अभ्यास खेल सुरु भईसकेकाले पनि होला अहिले फूटबल प्रशंसकहरुले सामाजिक सन्जालमा आफूलाई मनपर्ने देशको फोटो राखेर आफ्नो टिमको समर्थनमा गरीरहेका छन् ,मनपर्ने देशको खेल हेर्नका लागि तयारीका साथ पर्खिरहेका छन् ।  

तपाईं कतारमा हुनुहुन्छ, तपाईंको मनपर्ने देशले कहिले र कती बजे खेल्नेछ भन्ने जिज्ञासा लगेको छ भने हेर्नुहोस् यस्तो छ फिफा विश्वकप २०१८ को खेल तालिका कतारको समयमा ।