वैदेशिक रोजगारीमा जाने श्रमिकको बढेको मेडिकल शुल्क खारेज

वैदेशिक रोजगारीमा जाने श्रमिकको स्वास्थ्य परीक्षणका लागि बढेको मेडिकल शुल्क खारेज भएको छ ।

श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले  श्रमिकको स्वास्थ्य परीक्षण (मेडिकल)शुल्क बढाउने निर्णय खारेज गरेका हुन्।

यसअघि मन्त्रीस्तरीय निर्णयबाट ६ हजार पाँच सय रूपैयाँ रहेको मेडिकल शुल्क बढेर ९ हजार ५०० रूपैयाँ  पुगेको थियो ।शुल्क कार्यान्वयनमा आएसँगै म्यानपावर व्यवसायी तथा अधिकारकर्मीहरूले श्रमिकमाथि आर्थिक शोषण भएको भन्दै फेरि पनि चौतर्फी विरोध गरेका थिए।उनीहरूले शुल्क तत्काल घटाउन आग्रह गरेका थिए।