लाइसेन्स बिना सवारी चलाए ५०,००० रियालसम्म जरिवाना हुने
मन्त्रालयले सामाजिक सञ्जालमार्फत जनचेतना सन्देश जारी गर्दै लाइसेन्स बिना सवारी चलाउँदा सडक सुरक्षामा प्रत्यक्ष जोखिम उत्पन्न हुने भएकाले यस्तो कसुर मिलापत्र वा सामान्य रूपमा टुंग्याउन नमिल्ने स्पष्ट पारेको छ।
ट्राफिक कानुनको धारा ९४ अनुसार यस्तो कसुर गर्ने व्यक्तिलाई एक महिनादेखि तीन वर्षसम्म कैद सजाय हुनसक्छ। साथै कम्तीमा १०,००० कतारी रियाल र बढीमा ५०,००० कतारी रियालसम्म जरिवाना, वा यीमध्ये कुनै एक सजाय हुन सक्छ।
यो व्यवस्था विशेष रूपमा मान्य कतारी ड्राइभिङ लाइसेन्स नै नभएका व्यक्तिहरूमा लागू हुन्छ।
तर मान्य लाइसेन्स भएको तर जाँचका बेला भौतिक कार्ड साथमा नभएका चालकहरूको हकमा भने चेकपोइन्ट वा ट्राफिक जाँचका क्रममा मेट्राश एप प्रयोग गरेर डिजिटल रूपमा लाइसेन्स प्रमाणीकरण गर्न सकिने बताइएको छ।
यो सूचना जिम्मेवार सवारी सञ्चालनलाई प्रोत्साहन गर्न र कतारको ट्राफिक कानुनको पालना कडाइका साथ गराउन चलिरहेको जनचेतना अभियानको एक हिस्सा हो।