कतारमा अत्यावश्यक वस्तु पर्याप्त, प्रमुख हाइपरमार्केटहरू २४ घण्टा खुला

कतारको वाणिज्य तथा उद्योग मन्त्रालयले देशभर अत्यावश्यक वस्तु पर्याप्त मात्रामा उपलब्ध रहेको जनाएको छ। बजारमा कुनै अभाव नरहेको र आपूर्ति नियमित रूपमा जारी रहेको मन्त्रालयले स्पष्ट पारेको छ।

मन्त्रालयका निरीक्षण टोलीहरूले विभिन्न खुद्रा पसल र आपूर्तिकर्ताको गतिविधि निरन्तर अनुगमन गरिरहेको जानकारी दिइएको छ। मूल्य स्थिरता कायम राख्न र उपभोक्तालाई कुनै समस्या नहोस् भन्ने उद्देश्यले बजार निगरानी कडा पारिएको बताइएको छ।

यसैबीच, कतारका केही प्राय सबै जसो हाइपरमार्केटहरूले अब २४ घण्टा सेवा दिने व्यवस्था सुरु गरेका छन्।  यसले उपभोक्तालाई जुनसुकै समयमा आवश्यक सामान खरिद गर्न सहज बनाउने अपेक्षा गरिएको छ।

अधिकारीहरूका अनुसार यो निर्णय उपभोक्ताको सुविधा र बजार स्थिरता दुबैलाई ध्यानमा राखेर गरिएको हो। विशेष गरी भीड व्यवस्थापन, आपूर्ति निरन्तरता र आपतकालीन आवश्यकताका लागि २४ घण्टे सेवा उपयोगी हुने विश्वास गरिएको छ।

मन्त्रालयले उपभोक्तालाई अनावश्यक हल्लामा विश्वास नगर्न र कुनै अनियमितता देखिएमा आधिकारिक च्यानलमार्फत जानकारी दिन आग्रह गरेको छ।

यो निर्णयले कतारको खुद्रा बजार व्यवस्थित, सुरक्षित र आपूर्ति दृष्टिले सुदृढ रहेको सन्देश दिएको छ।