कतारमा सार्वजनिक कार्यक्रमहरू अर्को सूचना नआएसम्म स्थगित

कतारमा दोहाको आकाशमा विस्फोटजस्ता आवाज सुनेपछि अर्को सूचना नआएसम्म सबै सार्वजनिक कार्यक्रम, जमघट, होटल तथा पर्यटन स्थलका मनोरञ्जन गतिविधि स्थगित गरिएको छ। रमजान टेन्ट र इफ्तार कार्यक्रमहरू पनि रोकिएका छन्।

सरकारको नयाँ निर्देशअनुसार, आइतबार (March 1, 2026) सरकारी कर्मचारीहरू टाढाबाट (remote) कार्य गर्ने निर्देश दिइएको छ। यसले मन्त्रालय, सरकारी निकाय र सार्वजनिक संस्थाका कर्मचारीहरूलाई घरबाटै काम गर्ने व्यवस्था लागू गरेको छ, तर सुरक्षा, सैन्य तथा स्वास्थ्य क्षेत्रमा काम गर्ने कर्मचारीहरूलाई यो निर्देशमा समावेश गरिएको छैन।

त्यस्तै, अत्यावश्यक सेवा, सरकारी कार्यालय र निजी क्षेत्रका नियमित कामकाज जारी रहने अपेक्षा गरिएको छ र निर्माण क्षेत्रमा कामदारहरू पनि सामान्य रूपमा आफ्नो ड्युटीमा रहनेछन्। सरकारले सुरक्षाको अवस्था मूल्यांकन गर्दै आवश्यक परे थप सूचना दिने उल्लेख गरेको छ।