दोहामा अमेरिकी दूतावास आसपासका बासिन्दा अस्थायी रूपमा सारिँदै
कतारको गृह मन्त्रालयले सार्वजनिक सुरक्षालाई ध्यानमा राख्दै दोहास्थित अमेरिकी दूतावास वरिपरि बसोबास गर्ने बासिन्दाहरूलाई अस्थायी रूपमा क्षेत्र खाली गर्न निर्देशन दिएको छ।
मन्त्रालयका अनुसार सम्बन्धित निकायहरूले सावधानीका रूपमा उक्त क्षेत्रमा बस्ने मानिसहरूलाई सुरक्षित स्थानमा सार्ने काम गरिरहेका छन्। आवश्यक रोकथाम उपायका रूपमा उनीहरूका लागि उपयुक्त आवासको व्यवस्था पनि गरिएको बताइएको छ।
दूतावास नजिक बस्ने केही व्यक्तिहरूका अनुसार प्रहरी अधिकारीहरू क्षेत्रमा उपस्थित भई शान्तिपूर्वक मानिसहरूलाई त्यहाँबाट निस्कन आग्रह गरिरहेका छन्। केहीलाई नजिकैको मेट्रो स्टेशनतर्फ जान पनि निर्देशन दिइएको बताइएको छ।
हाल कुनै तत्काल सुरक्षा खतरा रहेको छ वा छैन भन्ने स्पष्ट भएको छैन। यो कदम अमेरिकाको विदेश मन्त्रालयले अमेरिकी नागरिकहरूलाई मध्यपूर्व क्षेत्र तुरुन्त छोड्न चेतावनी दिएको सन्दर्भमा आएको हो। यदि प्रत्यक्ष व्यावसायिक उडान उपलब्ध नभएमा ओमान वा साउदी अरेबिया जस्ता देश हुँदै पनि बाहिरिन भनिएको छ।
In the framework of maintaining public safety, the Ministry of Interior announces that the relevant authorities are evacuating residents living in the vicinity of the U.S. Embassy as a temporary precautionary measure.
Suitable accommodation has been provided for them as part of…— Ministry of Interior – Qatar (@MOI_QatarEn) March 5, 2026