कतारमा आंशिक रूपमा हवाई यातायात पुनः सञ्चालन, दोहा–काठमाडौं उडान अझै प्रभावित

दोहा ७ मार्च २०२६, कतार नागरिक उड्डयन प्राधिकरण (QCAA) ले कतारको हवाई क्षेत्रमा आंशिक रूपमा हवाई नेभिगेसन पुनः सञ्चालन गरिएको घोषणा गरेको छ। प्राधिकरणका अनुसार सीमित क्षमतासहित तोकिएका आकस्मिक मार्गमार्फत केही उडानहरू सञ्चालन गर्न अनुमति दिइएको छ।

हालको चरणमा मुख्य रूपमा सीमित संख्यामा यात्रु उद्धार (evacuation) उडान तथा हवाई कार्गो उडान सञ्चालन गर्न अनुमति दिइएको छ। प्राधिकरणले यात्रु तथा उड्डयन क्षेत्रमा कार्यरत कर्मचारीहरूको सुरक्षा सुनिश्चित गर्न कतारी सशस्त्र बल र सम्बन्धित सरकारी निकायहरूसँग समन्वय गरेर काम भइरहेको जनाएको छ।

हामाद अन्तर्राष्ट्रिय विमानस्थलले पनि हाल केही सीमित उडानहरू मात्र सञ्चालन हुने र ती मुख्य रूपमा विदेशमा अड्किएका यात्रुहरूको उद्धार तथा कार्गो सेवाका लागि हुने जनाएको छ। नियमित व्यावसायिक उडानहरू भने हवाई क्षेत्र पूर्ण रूपमा सुरक्षित घोषणा भएपछि मात्रै पुनः सञ्चालन हुने बताइएको छ।

एयरलाइन्सको पछिल्लो अवस्था

कतार एयरवेज : 
कतार एयरवेजले कतारको हवाई क्षेत्र बन्द रहेकाले आफ्ना नियमित उडानहरू अस्थायी रूपमा स्थगित रहेको जनाएको छ। एयरलाइन्सले हवाई क्षेत्र सुरक्षित रूपमा खुला भएको घोषणा भएपछि मात्रै नियमित उडान पुनः सञ्चालन हुने जनाएको छ। साथै उडान सञ्चालनबारे अर्को आधिकारिक अपडेट ७ मार्च बिहान ९:०० बजे (दोहा समय) आउने बताइएको छ। ()

नेपाल एयरलाइन्स : 
नेपाल एयरलाइन्सले दोहा–काठमाडौं रुटका ७ मार्चका RA 239 र RA 241 उडानहरू रद्द गरेको जनाएको छ। साथै ८ मार्चका फिर्ती उडानहरू RA 240 र RA 242 पनि रद्द गरिएको जानकारी दिएको छ।

हिमालय एयरलाइन्स :
हिमालय एयरलाइन्सले दुबई र दम्मामका लागि उडान सञ्चालन गर्ने तालिका सार्वजनिक गरे पनि दोहाका लागि उडानहरू भने अझै स्थगित रहेको जनाएको छ।

रिफन्ड र टिकट परिवर्तनको सुविधा

यात्रुहरूलाई सुझाव

एयरलाइन्सहरूले यात्रुहरूलाई आफ्नो उडान पुष्टि नभएसम्म विमानस्थल नजान आग्रह गरेका छन्। ट्राभल एजेन्सीमार्फत टिकट काटेका यात्रुहरूलाई सम्बन्धित एजेन्सीसँग सम्पर्क गर्न र अनलाइन टिकट भएका यात्रुहरूलाई एयरलाइन्सको ‘Manage Booking’ सेवा प्रयोग गर्न सुझाव दिइएको छ।

नेपाल एयरलाइन्सले जानकारीका लागि +९७७ ९८५१२७३४५९ वा ९८५१४२२१५६ नम्बरमा सम्पर्क गर्न आग्रह गरेको छ भने हिमालय एयरलाइन्सले पनि यात्रुहरूलाई आफ्नो ट्राभल एजेन्सी वा एयरलाइन्सको बिक्री कार्यालयमार्फत जानकारी लिन आग्रह गरेको छ।

हाल कतारको हवाई क्षेत्र पूर्ण रूपमा खुला नभएकाले दोहा–काठमाडौं लगायत नियमित अन्तर्राष्ट्रिय उडानहरू अझै सञ्चालनमा आएका छैनन्। सुरक्षा अवस्थाको निरन्तर मूल्यांकनपछि मात्रै नियमित उडानहरू क्रमशः पुनः सुरु हुने अपेक्षा गरिएको छ।

Qatar´s General Civil Aviation Authority has partially resumed in Qatar’s airspace. However, regular commercial flights have not yet restarted. As a result, flights on the Doha–Kathmandu route operated by Qatar Airways, Nepal Airlines, and Himalaya Airlines remain temporarily suspended. Passengers are advised to check with their respective airlines for the latest updates on their flights.