तेलको भाउ बढ्यो

सेप्टेम्बर महिनामा घटबढ नभएको तेलको भाउ अक्टोबरमा बढ्ने भएको छ।भोलि अक्टोबर १ तारिख आइतबार देखि लागू हुने गरि पेट्रोलको भाउमा १० र डिजलको भाउमा ५ दिरहामले वृद्धि हुनेभएको हो।

भाउ बढे सँगै अब सुपर पेट्रोल १.७०,प्रीमियम पेट्रोल १.६० र डिजल १.५५ रियाल प्रतिलिटर पर्ने कतार पेट्रोलियमले  जनाएको छ।

गत वर्षको मे महिना देखि विश्व बजारको प्रतिकृया अनुशार कतारमा तेलको भाउ घटबढ हुने सरकारले निर्णय गरेको थियो । त्यसका लागी हरेक महिना सरकारी प्रतिनिधिहरुबाट समिती गठन गरी कतारमा तेलको भाउको समिक्षा गर्ने गरिन्छ । यो संगै कतारमा तेलको भाउ बढेको आठौं पटक हुनेछ ।