मेस्सीले विश्वकप इतिहासकै सर्वाधिक गोलकर्ताको कीर्तिमान बराबरी गरे
अर्जेन्टिनाका कप्तान तथा विश्व फुटबलका महान खेलाडी लियोनल मेस्सीले फिफा विश्वकप २०२६ मा नयाँ इतिहास रचेका छन्। अल्जेरियाविरुद्धको खेलमा ह्याट्रिक गर्दै उनले विश्वकप इतिहासमा सर्वाधिक गोल गर्ने खेलाडीको कीर्तिमान बराबरी गरेका हुन्।
३८ वर्षीय मेस्सीले उक्त खेलमा तीन गोल गरेपछि उनको विश्वकप गोल संख्या १६ पुगेको छ। यससँगै उनले जर्मनीका पूर्व स्ट्राइकर मिरोस्लाभ क्लोसको १६ गोलको कीर्तिमान बराबरी गरेका छन्।
यो उपलब्धिसँगै मेस्सी विश्वकप इतिहासका संयुक्त सर्वाधिक गोलकर्ता बनेका छन्। अब उनले थप एक गोल गर्नासाथ विश्वकप इतिहासकै एक्लो सर्वाधिक गोलकर्ताको कीर्तिमान आफ्नो नाममा लेखाउनेछन्।
मेस्सीको ह्याट्रिकले अर्जेन्टिनालाई अल्जेरियामाथि ३–० को सहज जित दिलायो। साथै उनी विश्वकपमा ह्याट्रिक गर्ने सबैभन्दा बढी उमेरका खेलाडी पनि बनेका छन्। यही खेलसँगै उनले विश्वकपमा ६ संस्करण खेल्ने पहिलो पुरुष खेलाडीको अर्को ऐतिहासिक कीर्तिमान समेत कायम गरेका छन्।
अर्जेन्टिनाका प्रशिक्षक स्कालोनीले मेस्सीको प्रदर्शनलाई “अविश्वसनीय तर अब आश्चर्यजनक नरहेको” भन्दै प्रशंसा गरेका छन्।