१२ महिनाभित्र ट्राफिक जरिवाना नतिरे कानुनी कारबाही हुने

कतारको गृह मन्त्रालयले सवारी चालकलाई ट्राफिक जरिवाना समयमै तिर्न आग्रह गर्दै १२ महिनाभन्दा बढी समयसम्म जरिवाना नतिरे कानुनी कारबाही प्रक्रिया अघि बढाइने चेतावनी दिएको छ। त्यस्तो अवस्थामा मुद्दा सम्बन्धित सरकारी अभियोजन कार्यालयमा पठाइनेछ र मिलापत्रको सुविधा पनि उपलब्ध नहुने मन्त्रालयले जनाएको छ।

मन्त्रालयका अनुसार ट्राफिक नियम उल्लङ्घन गरेको मितिले एक महिनाभित्र तोकिएका केही जरिवाना बुझाए ५० प्रतिशत छुटको सुविधा पाइनेछ। समयमै जरिवाना तिर्दा थप कानुनी झन्झट र अतिरिक्त दण्डबाट बच्न सकिने भन्दै सबै चालकलाई नियमित रूपमा आफ्नो ट्राफिक जरिवाना जाँच गरी तोकिएको अवधिभित्र भुक्तानी गर्न मन्त्रालयले आग्रह गरेको छ।