कतारका केही क्षेत्रमा बुधबार र बिहीबार वर्षाको सम्भावना
कतार मौसम विभागले बुधबार (जुलाई २९) र बिहीबार (जुलाई ३०) देशका केही क्षेत्रमा स्थानीय वर्षाको सम्भावना रहेको जनाएको छ। विभागका अनुसार दिउँसो स्थानीय रूपमा बादल विकास भई केही स्थानमा छिटफुट वर्षा हुन सक्ने अनुमान गरिएको छ।
विभागले वर्षाको सम्भावना रहे पनि देशभर मौसम तातोदेखि अत्यधिक तातो रहने जनाएको छ। दोहा, मेसाइइद, अल वाकरा र अल खोरमा अधिकतम तापक्रम ४० डिग्री सेल्सियस पुग्न सक्ने अनुमान गरिएको छ भने दुखान, अल रुवाइस र अबु सम्रामा ३८ डिग्री सेल्सियस सम्म तापक्रम रहने अपेक्षा गरिएको छ।
मौसम विभागका अनुसार तटीय क्षेत्रमा उत्तरपूर्वीदेखि दक्षिणपूर्वी दिशाको प्रतिघण्टा ५ देखि १५ नट गतिमा हावा चल्नेछ भने समुद्र शान्त रहने र तटीय क्षेत्रमा अधिकतम २ फिट तथा अपतटीय क्षेत्रमा ३ फिटसम्म लहर उठ्ने अनुमान गरिएको छ।
حسب آخر تحديثات الطقس، تشير التوقعات إلى فرص تشكُّل سحب محلية قد تكون ممطرة على بعض المناطق، وذلك يومي الأربعاء والخميس 29 – 30 يوليو 2026.#قطر
According to the latest weather updates, forecasts indicate chances of local cloud formation that might be rainy over some areas, on… pic.twitter.com/m3xZxeJ1Ie
— أرصاد قطر (@qatarweather) July 28, 2026