अबु सम्रा नाकाबाट कतार प्रवेश गर्नेले ७ दिनको होटेल क्वारेन्टाइन बस्नुपर्ने
कतार र साउदी अरेबिया बीच हवाई, जमिन र समुद्री सिमाना पुन सुचारु गर्ने सहमति भएसंगै अबु सम्रा नाकाबाट कतार प्रवेश गर्नेहरुले ७ दिन अनिवार्य क्वारेन्टाइनमा बस्नुपर्ने सरकारी सञ्चार कार्यालयले जनाएको छ ।
आज शनिबार,जनवरी ९ देखि लागू हुनेगरी अबु सम्रा नाकाबाट कतार प्रवेश गर्ने यात्रुले निम्न मापदण्ड पालना गर्नुपर्नेछ :
१. ७२ घण्टा भित्र परिक्षण गरिएको कोभिड-१९ नेगेटिभ प्रमाणपत्र साथमा हुनुपर्ने ।
२. सो नाकाबाट कतार प्रवेश गर्ने सम्पुर्ण नागरिकले अनिवार्य रुपमा ७ दिनको होटेल क्वारेन्टाइन बस्नुपर्ने । होटेल बुकिङ डिस्काेभर कतारको वेबसाईट मार्फत गर्न सकिने ।
३. होटेल क्वारेन्टाइनमा बस्ने र यसका शर्त मान्नेगरि फारममा हस्ताक्षर गर्नुपर्ने । एह्तेराज एप प्रयोग गर्नुपर्ने ।
कोरोनाभाइरसको महामारीको अवस्था हेरेर आउने दिनहरुमा क्वारेन्टाइनको नियम फेरबदल हुने कार्यालयले जनाएको छ ।