भिजिट भिसामा कतार आउँदा स्वास्थ्य बिमा गर्नुपर्ने

कतार आउने पर्यटकले स्वास्थ्य बिमा गर्नुपर्ने भएको छ।

फेब्रुअरी १ देखि सरकारले अनिवार्य गरेको स्वास्थ्य बिमाको नियम अनुसार कतार आउनुअघि सरकारले मान्यता दिएको एजेन्सी मार्फत बिमा गर्नुपर्नेछ ।

बिमाको शुल्क ५० रियाल देखि माथि पर्नेछ ।

पर्यटक भिसामा कतार प्रवेश गर्ने यात्रुको लागि स्वास्थ्य बीमाको शुल्क आइतवार प्रकाशित आधिकारिक राजपत्रको दशौं अंकमा तोकिएको हो ।

यसअघि कतारमा पर्यटकलाई स्वास्थ्य बिमाको अनिवार्य थिएन । तर भ्रमणको बेला उपचार गर्नुपरे पुरै शुल्क पर्यटक आफैले बेहोर्नु पर्ने नियम थियो ।

पर्यटकले कतार बसाइको समयमा आवश्यक परेमा खण्डमा निशुल्क उपचार पाउनेछन् । त्यस्तै भिसा बढाएर बस्दा प्रति महिना ५० रियालको बिमा गर्नुपर्ने सरकारले बताएको छ ।