हतियार बरामद भएको होईन : भन्सार विभाग

पेनिनसुला पत्रीका 

हमाद पोर्टमा हतियार बरामद गरिएको फोटो सहितको समाचार समाजिक सन्जालमा भाइरल भएपछि कतारको भन्सार विभागको ध्यानाकर्षण भएको छ । विभागले हिजो एक वक्तव्य जारी गर्दै उक्त हल्ला झुटाे रहेको स्पष्ट पारेको छ ।

“ती बन्दुकहरु पैन्ट बल खेलका लागि प्रयोग गरिन्छ । खेललाई थप मनोरञ्जन बनाउन असली बन्दुक जस्तो त्यसमा पनि रङ्ग लगाईएको हुन्छ ।

त्यस्ता नक्कली बन्दुक कतारको बजारमा नपाईने र कतार आयात गर्न सम्वन्धित अधिकारी बाट आवश्यक पर्मिट लिनुपर्ने हुन्छ । हमाद पोर्टमा पनि बिना पर्मिट सो खेलौना बन्दुक आयात हुनेक्रममा बरामद गरिएको”, विभागको वक्तव्यमा लेखिएको छ ।

विभागले त्यस्ता अपवाहको पछि नलाग्न र आधिकारिक श्रोत बाट मात्र समाचार लिन आग्रह गरेको छ । त्यस्ता हल्ला फैलाउनेलाई कारबाही गरिने पनि विभागले जनाएको छ ।