फिफा फ्यान फेस्टिभलले भोलि परिक्षण कार्यक्रम गर्ने
कर्नेशको अल बिद्दा पार्कस्थित फिफा फ्यान फेस्टिभलले भोलि परिक्षण कार्यक्रम गर्ने भएको छ ।
विश्वकपको अन्तिम तयारीका लागि फेस्टिभलले भोलि नोभेम्बर १६ तारिक बेलुका ७ देखि १० बजे सम्म कार्यक्रम गर्न लागेको हो ।
कार्यक्रममा स्थानीय डिजे र माइकल ज्याक्सनको ट्रिब्युट शो रहनेछ । कार्यक्रम राती १० बजे सम्म चल्नेछ र गेट ५ बजे खुल्ने जनाईएको छ ।
परिक्षण कार्यक्रममा अन्तर्राष्ट्रिय खाना सहित पिय पदार्थ पनि उपलब्ध हुनेछ ।
हय्या कार्ड हुने व्यक्तिलाई मात्र कार्यक्रममा प्रवेश दिइने फिफाले बताएको छ । कार्ड हुने व्यक्तिलाई कार्यक्रममा सहभागी हुन कुनै शुल्क लाग्दैन ।
कसरी पुग्ने फिफा फ्यान फेस्टिभल ?
अल बिद्दा पार्कमा रहेको फिफा फ्यान फेस्टिभल पुग्न सबैभन्दा उत्तम उपाय मेट्राे रहेको छ । कार्यक्रम स्थल पुग्न रेड लाइनको मेट्राे चढेर कर्नेश स्टेशन झर्नुपर्नेछ । स्टेशन बाट कार्यक्रम स्थल एक मिनेटको दुरीमा रहेको छ ।
कर्नेश स्टेशन बाहिर निस्कनका लागि मात्र छुट्टाईएको कारण फर्कदा नजिकैको अल बिद्दा वा शुक स्टेशन बाट मेट्राे चढेर आफ्नो गन्तव्य पुग्न सकिनेछ ।
फिफा फ्यान फेस्टिभल १९ नोभेम्बर देखि आधिकारिक रुपमा शुरु हुनेछ । त्यहाँ विश्वकपको सम्पुर्ण खेलको प्रत्यक्ष प्रशारण गरिनेछ । त्यस्तै क्यल्भिन ह्यारिस(१० डिसेम्बर),नोरा फतेही(२९ नोभेम्बर) जस्ता विश्व प्रख्यात कलाकारले हरेक दिन प्रस्तुति दिनेछन् ।