टोक्याे ओलम्पिक : कतारलाई वर्शिमले दिलाए दोस्रो स्वर्ण

दुई पटक विश्व च्याम्पियन मुताज बर्शिमले कतारको लागि अर्को स्वर्ण दिलाएका छन् ।

जापानमा जारी टोक्याे ओलम्पिकमा बर्शिमले आज हाई जम्प तर्फ स्वर्ण पदक जितेका हुन् । उनले २.३७ मिटर जम्पमा इटालिएन खेलाडी तेम्बेरिसंग स्वर्ण पदक साझेदार गरेका हुन् । हिजो मात्रै भरोत्तालन खेलाडी फरेस इब्राहिमले कतारलाई पहिलो स्वर्ण जिताएका थिए ।

बर्शिमले यसअघि २०१२ को लन्डन ओलम्पिकमा र २०१६ को ब्राजिल ओलम्पिकमा रजत पदक जितेका थिए । त्यस्तै २०१७ र २०१९ को प्रतियोगितामा उनी विश्व विजेता बनेका थिए ।