४९ औं अमिर कपको उपाधि अल साद क्लबले उचाल्यो

जाभी हेर्नान्देजको प्रशिक्षणमा रहेको अल साद क्लबले ४९ औं अमिर कपको उपाधि जितेको छ । आज भएको फाइनल खेलमा अल सादले अल रय्यान क्लबलाई पेनाल्टी सुटआउटमा ५ – ४ को गोल अन्तरले हराएको हो । सोहि खेलको लागि आजै फिफा विश्वकपको छैठौ रंगशाला अल थुमामाको उद्घाटन पनि गरिएको छ ।

खेलको ४३ औ मिनेटमा अल रय्यानले पाएको पेनाल्टीलाई यस्सिन इब्राहिमले गोल गर्दै अग्रता लिएको थियो । त्यस्तै ५८ मिनेटमा अल साद्दले पनि पेनाल्टी पायो र खेल बराबरीमा गयो। अल साद्दका लागि कजुलाले गोल गरेका थिए । त्यसपछि अतिरिक्त तीस मिनेटको समयसम्म थप गोल हुन नसकेपछि खेल पेनाल्टीमा गएको थियो । सन् १९७२ देखि सुरु भएको प्रतियोगितामा अल साद कल्बको यो १८ औं उपाधि हो।