नोभेम्बर २६ देखि डिसेम्बर ४ सम्म कर्नेश रोड बन्द हुने
भोलि नोभेम्बर २६ देखि डिसेम्बर ४ सम्म दोहा कर्नेशको रोड बन्द हुँदैछ ।
सुप्रिम कमिटी फर डेलिभरी एन्ड लिगेसी,अश्घाल,आन्तरिक मन्त्रालय र ट्राफिक विभागको समन्वयमा कर्नेश रोड सो समयावधिमा दुबै तर्फ बन्द हुन लागेको हो ।
कर्नेश रोड किन बन्द हुँदैछ ?
कतारले यहि नोभेम्बर ३० देखि आयोजना गर्ने अरब कप हेर्न आउने विभिन्न देशका दर्शकहरुको मनोरञ्जनका लागि कर्नेशमा विभिन्न कार्यक्रम आयोजना हुँदैछ । सोही समयमा कर्नेश रोडमा अस्घालले सडक निर्माणका काम पनि गर्दैछ ।
के के कार्यक्रम हुन्छ ?
कर्नेशमा यसपालि ११ औं कतार ईन्टरनेशनल फुड फेस्टिभल आयोजना हुँदैछ । फुड फेस्टिभलका अलवा साङ्गितिक कार्यक्रम , आतसवाजी ,वाटर फाउन्टेन ,प्रदर्शनी आदि हुनेछ ।
पुरै सवारीलाई रोक हो ?
नोभेम्बर २६ देखि डिसेम्बर ४ सम्म कर्नेश रोडमा निजि सवारीलाई पूर्णरुपमा रोक लगाईएको छ । तर कर्वा बस र मेट्राे मार्फत गन्तव्यमा आवतजावत गर्न सकिन्छ ।
अन्य सवारीलाई ए बि सि डी रिङ रोड संगै फेब्रुअरी २२ स्ट्रिट र सबाह अल अहम्द करिडाेर रोड खुला रहनेछ।
