दैनिक संक्रमितको संख्या ४ हजार नाघ्यो,थप २ जनाको मृत्यु

कतारमा कोरोना संक्रमितको संख्या केहि दिन देखि तिब्रताको साथ उकालो लागेको छ ।

आज देशभर थप ४,१६९ जनामा कोरोना भाइरस संक्रमण र ८२८ जनालाई निको भएको स्वास्थ्य मन्त्रालयले जानकारी दिएको छ । भाइरसको कारण आज ५७ र ९१ वर्षिय दुई व्यक्तिको ज्यान गएको छ ।

कतारमा कोरोनाभाइरसको महामारी सुरु भएयता यो अहिलेसम्मकै उच्च संक्रमित संख्या हो ।

आज भाइरस देखिएका मध्ये ३,५७३ जना स्थानिय र ५९६ जना अन्य देश बाट आएका यात्रुहरु हुन् । यो संगै कतारमा भाइरस संक्रमण पुष्टि भएको कुल संख्या २,७८,६९८ पुगेको छ । स्वास्थ्य मन्त्रालयको पछिल्लो २४ घण्टाको रिपोर्ट अनुसार ३६,४२२ जनालाई परिक्षण गरिएको थियो ।

गएको २४ घण्टा भित्रकाे तथ्यांक  

अस्पतालमा उपचार भैरहेका जम्मा – ५३९ जना

आईसीयुमा उपचार भैरहेका जम्मा – ५७ जना

निको हुनेको संख्या : २,४९,६०७

आज सम्म खोप वितरण : ५३,१७,३०८

बुस्टर डाेज खोप वितरण : ३,६८,५४३

आजको खोप वितरण : १७,५८३

निको हुन बाँकीको संख्या : २०,४६०

ज्यान जानेको संख्या : ६२१ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।