विश्वकपको लागि दोस्रो चरणको टिकट बिक्री भोलीबाट सुरु हुने

कतारमा यसै वर्ष आयोजना हुने फिफा विश्वकपको लागि दोस्रो चरणको टिकट बिक्रि भोलि बाट सुरु हुँदैछ ।

भोलि अप्रिल ५ तारिक दिउँसो १२ बजे देखि सुरु हुने टिकट बिक्रिमा चार प्रकारको टिकट खरिद गर्न सकिने फिफाले बताएको छ । टिकट बिक्रि अप्रिल २८ तारिक दिउँसो १२ बजे सम्म खुला रहनेछ ।

दोस्रो र्यान्डम सेल्समा व्यक्तिगत,समर्थक, सशर्त समर्थक र चार रंगशाला शिर्षकमा टिकट उपलब्ध हुनेछ ।

विश्वकप प्रतियोगिताको टाईसिट केहि दिन अगाडि सार्वजनिक भैसकेको छ । कतारमा रहेका बासिन्दालाई टिकट ४० रियाल देखि २,२५० बिच तोकिएको छ ।

टिकटको लागि फिफाको वेबसाईटमा गई आफ्नो खाता बनाएर आफुले चाहेको खेलको लागि निवेदन दिनुपर्नेछ ।

सफल टिकट आवेदकलाई फिफाले ३१ मे मा इमेल मार्फत नतिजा बारे जानकारी दिनेछ ।

(यसको मतलब टिकटको लागि अप्रिल ५ देखि अप्रिल २८ भित्र आफुले चाहेको खेलको टिकट रोजेर निवेदन दिनुपर्नेछ । निवेदन सफल भए ३१ मे मा इमेल आउनेछ र त्यसपछि मात्र टिकट खरिद गर्न सकिनेछ । यो एउटा चिट्ठा परे जस्तै हुनेछ । )