विश्वकपको लागि अन्तिम चरणको टिकट बिक्री खुल्ने
फिफा विश्वकप २०२२ को लागि अन्तिम चरणको टिकट बिक्री खोलिने भएको छ ।
जुलाई ५ तारिक दिउँसो १२ बजे देखि पहिले आउने खरिदकर्ताले पहिले टिकट पाउने आधारमा टिकट बिक्री खुला गरिने फिफाले बताएको छ । टिकट बिक्री १६ अगस्ट दिउँसो १२ बजे सम्मका लागि खुला हुनेछ ।
टिकट https://www.fifa.com/tickets बाट अनलाइन खरिद गर्न सकिनेछ । टिकट चार वर्गमा ४० देखि २,२५० रियाल सम्म पाईनेछ ।
खरिद प्रक्रिया सफल भए लगत्तै सोही समयमा टिकट कन्फर्म हुने फिफाले जनाएको छ । यसअघि फिफाले गएको अप्रिल ३० सम्म टिकट बिक्री खुला गरेको थियो ।
फिफा विश्वकप यसै वर्षको नोभेम्बर २१ देखि डिसेम्बर १८ सम्म कतारको विभिन्न सहरमा आयोजना हुँदैछ । फिफाको अनुसार हालसम्म १० लाख ८० हजार टिकट बिक्री भैसकेको छ ।
यो खबर पढेर तपाईलाई कस्तो महसुस भयो ? प्रतिक्रिया दिनुहोस् !
0
मनपर्यो
0
खुसी लाग्यो
0
दुःख लाग्यो
0
रुन मन लाग्यो
0
हाँसो लाग्यो
0
रीस उठ्यो
