लुसेल रंगशालामा अल अरबी र अल रय्यान बिचको खेल हुने

फिफा विश्वकप २०२२ फाइनल खेल संचालन हुने लुसेल रंगशालामा अर्को महिना घरेलुु प्रतियोगिताको एक खेल हुने तय भएको छ ।

रंगशालामा अगस्ट ११ तारिक बेलुका ७:४० बजे क्युएनबी स्टार्स लिग अन्तर्गत अल अरबी र अल रय्यान बिचको खेल हुनेछ ।

यस घरेलु प्रतियोगिताको अन्य खेल खलिफा ,एजुकेसन सिटी ,अल थुमामा,अल जनौब र अह्मद बिन अलि रंगशालामा समेत हुनेछ ।

लुसेल रंगशालाको दर्शक क्षमता ८० हजार रहेको छ । सो खेलको लागि टिकट बिक्री बारे टुंगो लागिसकेको छैन ।