कर्वाले दुई हजार ट्याक्सी थप्यो

कर्वाले लिमोजिन कम्पनी फक्स ट्रान्स्पोर्टसँग आफ्नो साझेदारीको घोषणा गर्दै नयाँ ‘कर्वा फक्स’ इकोनोमी ट्याक्सी सेवाको सुरुवात गरेको छ।

नयाँ सेवा मार्फत यात्रुले सहुलियत मूल्यमा आरामदायी र सुरक्षित यातायात सेवा लिन पाउने कम्पनीले दाबी गरेको छ । फक्स ट्रान्सपोर्ट द्वारा प्रदान हुने सेवाका लागि दुई हजार भन्दा बढी अतिरिक्त ट्याक्सी कर्वा एपमा थपिनेछ ।

कर्वाको एप मार्फत आफुले चाहेको स्थानबाट यस ट्याक्सीको सेवा लिन सकिनेछ । भुक्तानीका लागि क्रेडिट,डेबिट कार्डका साथै एप्पल र गुगल पे पनि प्रयोग गर्न सकिने सुविधा रहेको कम्पनीले बताएको छ ।