आज दिउँसो सूर्यग्रहण लाग्दै

आज दिउँसो सूर्यग्रहण लाग्दैछ । दिउँसो १ बजेर ३५ मिनेटदेखि दुई घन्टा १७ मिनेट सम्म सूर्यग्रहण देखिने कतार क्यालेन्डर हाउसले जनाएको छ ।

खण्डग्रास सूर्यग्रहणमा चन्द्रमाले सूर्यको ३८ प्रतिशत अर्थात केही भाग मात्र छेकेको देखिन्छ ।

सामान्यतया चन्द्रमा सुर्य र पृथ्वीको बिचमा पुगेको बेला ग्रहण लाग्ने गर्दछ ।

नाङ्गो आँखाले ग्रहण हेर्न हुदैन। विशेष किसिमको चस्मा लगाएर ,वेल्डिङ ग्लास लगाएर वा पानीमा छायाँ पारेर ग्रहण हेर्न सकिनेछ ।

धार्मिक मान्यता अनुसार ग्रहण लागेको बेला खान नहुने धारणा रहेपनि विज्ञान अनुसार ग्रहणका बेला खाना खाँदा कुनै असर नगर्ने विज्ञहरु बताउँछन् ।