कतारमा आज देखि ‘के घर के डेरा’ प्रदर्शन हुँदै

कतारमा आज देखि नेपाली कथानक चलचित्र ‘के घर के डेरा’ प्रदर्शनमा आउँदै छ ।

फिल्मको आज बिहिवार एसियन टाउन सिनेमामा राती १०:३० बजे शो रहेको छ । त्यस्तै शुक्रबार एसियन टाउनमा बेलुका ५ बजे र सिटी सेन्टरमा दिउँसो १२:३०, ३:१५, ६:००, ८:४५ र राती ११:३० बजे फिल्मको शो रहेको छ ।

अन्य हलमा शो बारे थप विवरण आउन बाँकि रहेको आयोजक पक्षले बताएको छ ।

शो बारे जानकारी लिन र टिकट बुकिङ q-tickets.com बाट गर्न सकिनेछ ।

यसअघि ‘पशुपति प्रसाद’ र ‘आमा’ जस्तो गम्भीर सिनेमा निर्देशन गरेर सफलता हासिल गरेका निर्देशक खनालको ‘के घर के डेरा’लाई दर्शकले मनोरञ्जनको प्याकेज भनेका छन् । काठमाडौँमा बस्ने डेरावाल र घरबेटी बिचको कथा भन्ने फिल्ममा दयाहाङ राई, विपिन कार्की, सुरक्षा पन्त, वर्षा राउत, रवीन्द्र झा, आशान्त शर्मा, लक्ष्मी गिरी, कोसिस क्षेत्रीलगायतका कलाकारहरूको अभिनय छ ।

घरवेटी र डेरावालाको समस्यालाई रोचक र कमेडी शैलीमा प्रस्तुत गरिएको भन्दै नेपालका दर्शकले यसलाई राम्रो भनेका छन् ।