जापानी दर्शकले रंगशाला सफा गरेको भिडियो भाइरल बन्यो

कतार र इक्वेडरबीच हिजो भएको उद्घाटन खेलपछि जापानी दर्शकले रंगशाला सफा गरेको भिडियो भाइरल भएको छ ।

बहराइनी युट्युबर ओमार अल फारुकले इन्स्टाग्राममा पोस्ट गरेको भिडियोमा जापानी दर्शकहरूले रंगशाला सफा गरेको देख्न सकिन्छ ।

भिडियोमा उमर फारुकले किन यसो गर्दैछौ भन्ने प्रश्नमा एक दर्शकले हामी जापानी हौं र हामी आफू बसेको स्थानमा फोहोर छाडेर जादैनौ, हामी सबै स्थानको सम्मान गर्दछौ भनेका छन् ।

भिडियो भाइरल भएपछि जापानी फ्यानहरूलाई धन्यवाद दिँदै जापानीहरुको अझ बढी सम्मान भएको धेरैले प्रतिक्रिया दिएका छन् ।

तर यो पहिलो पटक भने होइन । जापानी समर्थकले रंगशाला सफा गरेको समाचार यसअघि पनि भाइरल हुँदै गरेको छ ।