आज २०८१ साल मंसिर १ गते शनिवार,यस्तो छ तपाईको आजको राशिफल

मेष (चु, चे, चो, ला, लि, लु, ले, लो, अ) आज कार्यक्षेत्रमा नयाँ अवसरहरू मिल्नुका साथै नयाँ मिटिङको लागि पनि उत्तम समय रहेको छ । आफूले गरेको कार्यमा उच्च अधिकारीको सहयोग मिल्ने योग रहेको छ। आजको यात्रा सफलतादायक रहनेछ भने जीवन साथीबाट उपहार मिल्नेछ। आजको शुभ रंग सेतो हो भने शुभ अंक २ रहेको छ ।

वृष (इ, उ, ए, ओ, वा, वि, वु, वे, वो) समाजमा सम्मान बढ्ने छ। व्यापारमा लाभ हुनेछ भने सरकारी नोकरीमा रुकेका काम बन्ने योग रहेको छ । आज वाणीले गर्दा सबैलाई आफ्नो बनाउन सक्नुहुन्छ। आजको शुभ अंक २ हो भने शुभ रंग गुलाबी रहेको छ ।

मिथुन (का, कि, कु, घ, ङ, छ, के, को, हा) आजको दिन हत्तार गरेर कुनै निर्णय नलिनुहोला । नयाँ कामको थालनी गर्न पनि उपयुक्त नहोला । विदेशतिरबाट शुभ सूचना मिल्नेछ। आफ्नो जीवनसाथीको स्वास्थ्यमा भने विशेष ध्यान पुर्याउनु होला। कानुनी कार्यको लागि पनि आज उचित समय छैन । आजको शुभ रंग सुन्तला हो भने शुभ अंक १ रहेको छ ।

कर्कट (हि, हु, हे, हो, डा, डि, डु, डे, डो)आजको समय उत्तम रहनेछ । सेयर मार्केट वा भवन निर्माण सम्बन्धी कामले लाभ दिने छ। यात्राको योग पनि रहेको छ। नयाँ कार्यको योजनाहरू बन्नेछन्। आजको शुभ रंग रातो हो भने शुभ अंक ५ रहेको छ ।

सिंह (मा, मि, मु, मे, मो, टा, टि, टु, टे) कार्यक्षेत्रमा अतिरिक्त जिम्मेवारी मिल्नेछ। राजनीतिक क्षेत्रमा कामको चर्चा हुनेछ। आजको दिन तपाईंले अरुका लागि बुद्धि खर्च गर्नुपर्ने हुनसक्छ। विद्यार्थीहरूको पढाइमा मन लाग्नेछ। आजको शुभ रंग केसरि हो भने शुभ अंक ४ रहेको छ ।

कन्या (टो, पा, पि, पु, ष, ण, ठ, पे, पो) आज आफ्नो स्वास्थ्यलाई विशेष ध्यान दिनुहोला, मन अशान्त हुनेछ तथा कुनै कार्य गर्दा अनुमानितभन्दा धेरै समय लाग्नेछ। आजको दिन कसैलाई गलत वाचा गरेमा त्यसले अत्याधिक नकारात्मक प्रभाव पार्नेछ। आकस्मिक धनहानिका योग छन् । ठूलो निर्णय लिनुभन्दा पहिला परिवारको सल्लाह लिनुहोस्। आजको दिन शुभ रंग निलो हो भने शुभअंक ६ रहेको छ ।

तुला (रा, रि, रु, रे, रो, ता, ति, तु, ते) आज जीवन साथीद्वारा उपहार मिल्ने योग छ। साझेदारी व्यापारमा लाभ हुनेछ। भौतिक साधन जुट्नेछ। स्वादिष्ट खानपानको आनन्द मिल्नेछ भने प्रेम सम्बन्धमा माया बढ्नेछ। आजको दिन शुभ रंग रातो हो भने शुभअंक ७ रहेको छ ।

वृश्चिक (तो, ना, नि, नु, ने, नो, या, यि, यु) आजको दिन कार्यक्षेत्रमा नयाँ योजनाहरू बन्नेछन् भने व्यापारमा सामान्य लाभ रहनेछ।आजको दिन कसैलाई ऋण नदिएकै उचित हुनेछ। प्रतियोगी या परीक्षार्थीहरूलाई आज अलि संघर्षपूर्ण समय छ। वाहन चलाउँदा ध्यान दिनुपर्ने हुन्छ।आजको दिनको शुभ रंग खैरो हो भने शुभ अंक ४ रहेको छ ।

धनु (ये, यो, भा, भि, भु, धा, फा, ढा, भे) आज स्वास्थ्यमा ध्यान दिनुपर्ने हुन्छ। विशेषगरि पेट सम्बन्धी समस्या हुने भएकाले आफ्नो खानपानमा अलि ध्यान पुर्याउनु पर्ने हुन्छ । आर्थिक पक्ष मजबुत बनाउन कसैबाट सल्लाह मिल्ने छ। घरभन्दा बाहिर धेरै समय बित्ने योग रहेको छ। विदेशतिरबाट खासै राम्रो सुचना नआउन सक्छ। आजको शुभ अंक ६ हो भने शुभ रंग पहेलो रहेको छ ।
मकर (भो,जा,जि,जु,जे,जो,ख,खि,खु,खे,खो,गा,गि) सन्तान पक्षबाट शुभ सूचना मिल्नेछ। घर जग्गा किनबेचका योग छ। प्रेम सम्बन्ध सुमधुर देखिन्छ भने दाम्पत्य जीवन पनि सुखमय रहनेछ। चलचित्र हेर्ने , पार्टी गर्ने लगायत कार्यहरूमा साथीहरू धेरै समय बिताउने योग छ। आजको शुभ रंग खैरो हो भने शुभअंक ६ रहेको छ ।

कुम्भ (गु, गे, गो, सा, सि, सु, से, सो, दा) नयाँ कामले गर्दा दिनचर्यामा बदलाव हुनेछ। हजुरको साहस र उत्साहमा वृद्धि हुनेछ। नोकरीमा प्रभाव बढ्नेछ साथै नयाँ जिम्मेवारी पनि मिल्नेछ। वाहनमा खर्चको योग छ यात्रा गर्नुभन्दा पहिले वाहन चेकजाँच अवश्य गर्नुहोस् । आजको शुभ रंग गुलाबी हो भने शुभ अंक ३ रहेको छ ।

मीन (दि, दु, थ, झ, ञ, दे, दो, चा, चि) घर परिवारबाट सहयोग मिल्नेछ। ससुरालीपक्षबाट आर्थिक लाभका योग छन्। व्यापारीहरूलाई व्यापारमा नयाँ चुनौतीहरू आउनेछन्। सरकारी क्षेत्रमा अधिकारी वर्गहरूको सहयोग मिल्नेछ। यात्राको दौरान महत्त्वपूर्ण सूचना मिल्नेछ। आजको शुभ रंग खैरो हो भने शुभअंक ५ रहेको छ ।

यस समाचारको श्रोत : www.narayanionline.com हो ।