कतारमा ईद–उल–फित्र शुक्रबार, खुला मैदानमा नमाज नहुने

दोहा – कतारले ईद–उल–फित्र २०२६ शुक्रबार, मार्च २० देखि सुरु हुने घोषणा गरेको छ। चन्द्र दर्शन समितिले शव्वालको चन्द्रमा नदेखिएको पुष्टि गरेपछि रमजान महिनालाई ३० दिनमा पूरा गर्दै शुक्रबारलाई ईदको पहिलो दिनका रूपमा निर्धारण गरिएको हो।

यस वर्ष ईद नमाज खुला मैदान (ईदगाह) मा आयोजना नगरी देशभरका स्वीकृत मस्जिदहरूभित्र मात्र अदा गरिनेछ। सम्बन्धित निकायका अनुसार यो निर्णय वर्तमान परिस्थितिलाई ध्यानमा राख्दै सार्वजनिक सुरक्षालाई प्राथमिकता दिँदै गरिएको हो। सर्वसाधारणलाई तोकिएका मस्जिदहरूमा मात्र उपस्थित भई आधिकारिक निर्देशन पालना गर्न आग्रह गरिएको छ।

ईदको अवसरमा मुस्लिम समुदायले परम्पराअनुसार जकात–उल–फित्र अर्पण गर्ने, पारिवारिक भेटघाट गर्ने तथा आपसी शुभकामना साटासाट गर्दै पर्व मनाउनेछन्।

कतार सरकारले सार्वजनिक क्षेत्र (सरकारी कार्यालय) का लागि ईद बिदा मार्च २० देखि २६ सम्म रहने घोषणा गरेको छ। यस अवधिमा सरकारी कार्यालयहरू बन्द रहनेछन् र नियमित सेवा मार्च २९ (आइतबार) देखि पुनः सञ्चालन हुनेछ।

ईद–उल–फित्र २०२६: कतारमा सेवा तथा पसलहरूको विस्तृत समय तालिका सार्वजनिक

दोहा – ईद–उल–फित्र २०२६ को अवसरमा कतारका विभिन्न सरकारी सेवा, स्वास्थ्य संस्था, किनमेल केन्द्र तथा सार्वजनिक सुविधाहरूको सञ्चालन समय सार्वजनिक गरिएको छ। ईद अवधिभर सेवाहरू निरन्तर सञ्चालन गर्न विशेष समय तालिका लागू गरिएको हो।

स्वास्थ्य सेवा (Primary Health Care Corporation – PHCC):

• केही स्वास्थ्य केन्द्रहरू बिहान ८:०० देखि दिउँसो १२:०० बजे सम्म सञ्चालन हुनेछन्।

• आकस्मिक (Emergency) सेवा भने २४ घण्टा उपलब्ध रहनेछ।

हामद मेडिकल कर्पोरेसन (HMC):

• आकस्मिक तथा अस्पताल सेवा २४ घण्टा सञ्चालनमा रहनेछ।

• बाह्य सेवा (Outpatient clinics) भने ईद अवधिभर बन्द रहनेछन्।

मेट्रो तथा सार्वजनिक यातायात:

• दोहा मेट्रो: बिहान ६:०० देखि राति १:०० बजे सम्म सञ्चालन

• लुसैल ट्राम: बिहान ६:०० देखि राति १:०० बजे सम्म सञ्चालन

• करवा बस सेवा: सामान्यतया सीमित तालिकामा सञ्चालन

सपिङ मल तथा सुपरमार्केटहरू:

• अधिकांश मलहरू: बिहान १०:०० देखि राति १:०० बजे सम्म सञ्चालन

• केही ठूला सुपरमार्केटहरू भने २४ घण्टा खुला रहनेछन्

रेस्टुरेन्ट तथा क्याफेहरू:

• धेरैजसो रेस्टुरेन्टहरू बिहानदेखि राति अबेरसम्म (करिब १:००–२:०० बजे) सञ्चालन हुनेछन्

• फुड डेलिभरी सेवाहरू पनि निरन्तर उपलब्ध रहनेछन्

सरकारी कार्यालयहरू:

• ईद बिदा अवधिभर सबै मन्त्रालय तथा सरकारी कार्यालयहरू बन्द रहनेछन्

• नियमित सेवा ईदपछि पुनः सञ्चालन हुनेछ